|
Hevlêr, 22.04.08 - Parlamentarên Kurdistanê di daxwaznameya xwe de dibêjin, ku divê rê hebe da ku Leyla Zana xebata xwe ya aştîyane ya ji bo çareserkirina doza Kurd a li Turkiye berdewam bike. Ev daxwaznameya han ji alîyê 56 parlamenterên Kurd ve ji serokatîya Parlamentoya Kurdistanê re hatiye pêşkêşkirin.
Beşekî evê daxwaznameyê dibêje: Leyla Zana di sala 1992 de bi 15 salan zîndanîkirin hat sizadan, ji ber ku bi zimanê xwe yê zikmakî peyivî.. ewê 10 sal ji jîyana xwe di zîndanên Turkiye de derbas kir.. wa carek din li angora maddeya 07 û birgeha 02 ya qanûna antîterorîst dihê dadgehkirin.. ev guneha ku kevtiye stûyê Leyla Zana de ne encamdana karekî terorane ye, belê ew ji ber daxwaza çareserkirina pirsa kurd a li Turkiye ye.. Leyla Zana di Newroza evê salê de li Amedê xwest ku ev pirsa han bi awayekî aştîyane bihê çareserkirin.
Di berdewamiya daxwaznameyê wisa hatiye nivîsîn Parlamento ji zîndankirina Leyla Zana ya têkoşer nerazî ye û dixwaze ku bi zûtirîn dem bihê azadkirin, da ku bikaribe bi azadî xebata xwe ya aştîyane berdewam bike û pirsa kurd a li Turkiye bi diyalogê ne bi dijwarîyê bihê çareserkirin.
Nivîskar: silav.net |
