|
Amed, 20.04.08 - Serokatiya daîreya kontrol û parastina hawirdorê ya Şaredariya Bajarê mezin a Amedê; xebata ku li tevahiya bajar dabû destpêkirin; cihên girîng ên bajar wek cade û bulvaran bi kulîlkan xemilandin, çîmena li navbera payarêyên cadeyan hatin nûkirin.
Serokatiya daîreya kontrol û parastina hawirdorê ya Şaredariya Bajarê mezin; di serî de li bulvar û xaçerêyan, li çar aliyê bajar kulîlk tên çandin. bi tevlî kulîlkên biharê di peyarêyên navîn de jî carek din çîmen hatin çandin, bi pergala avdana otomatîk tê avdan. Derbarê mijarê de Serokê Daîreya Kontrol û Parastina Hawirdorê Huseyîn Bark, got ku nêrgiza ku hilberîna wê a we ne, wek petûn û kulîlka qedîfe 200 hezar kulîlkên biharê li çar aliyên bajar hatin çandin. Bark, derbarê xebateke din de jî axivî û da zanîn ku darên li peyarêyên navbera cade û qadên parkan hene hatine peşkandin (budama) û derdora wan hatiye vekirin. Bark, da zanîn ku xebatên li Bulwara Dîclekentê, Akyil, Kantar, Seyrantepe, Batikent û Xeçerêyên Oryilê xilas bûne û da zanîn ku li Kolana Emek, Xaçerêya Îskanevlerî, Kuruçeşme, ketina Balafirgehê, Cadeya Ekîncîlerê, Xaçerêya Ofîsê, Cadeya Gaziyê, Xaçerêya Îstasyonê, Mêvanxaneya Şaredariyê, Wîlayet, Dîrekhane, Galeriya û pêşiya şaredariyê jî di nav cihên ku dê xebat li wan were kirin de cihê xwe digirin.
Nivîskar: silav.net
|
