|
Amed, 18.12.08 - Duhî polîsên sivîl yên Tirkiyeyê piştî nîvro Emîne Demîr Berpirsiyara îmtiyazê ya rojnameya Kurdî Azadiya Welat ji ofîsa rojnameyê ya li Amedê girt û bir Enqereyê. Polîsan ofîsa rojnameya Azadiya Welat jî serûbin kir.
Li gor ANF-ê birêveberiya rojnameyê bi daxuyaniyeka nivîskî behsa vê bûyera ko îro qewimî kir û got polîsên sivîl hatine ofîsa rojnameyê û bi seetan lêgeriyan di ofîsê de kirine û paşê jî rênedane ko Emîne Demîr aboqatê xwe jî ji binçavkirinê û revandinê agahdar bike.
Berpirsên Azadiya Welat dibêjin ew nizanin ka sebebê binçavkirin û revandina Emîne Demîrê çi ye û dibêjin dema ko polîsan ew bir Enqerê di rê de ew tenê pê re gehişt ko hinek hevalên xwe ji bûyerê agahdar bike.
Nivîskar: silav.net
|
